💗VALENTINE'S DAY 💗

February 14, 2021

ආදරවන්තයන්ගේ දිනයේ හෙවත් ශුද්ධ වූ වැලන්ටයින් දින සමරනු ලබන්නේ පෙබරවාරි 14 දිනයි. එදින සුබපැතුම් යැවීම, මල් පොකුර යැවීම තම ලබැදියාව ප්‍රකාශ කරයි.ක්‍රිස්තු වර්ෂ තුන්වන සියවසේ සිට ක්‍රිස්තියානි පූජකවරයෙකු වැලන්ටයින් තුමාගේ නම අනුසාරයෙන් මේ දිනයට ඒ නම ලැබීය .ශාන්ත වැලන්ටයින් දිනය හෝ ශාන්ත වැලන්ටයින් මංගල්‍යය ලෙස ද මෙය හඳුන්වනු ලබයි .

ලංකාව තුළ වැලන්ටයින් සැලකිය යුතු මට්ටමකින් සැමරීම ආරම්භ වූයේ 1990 දශකයේ දී ය. නමුත් ලංකාවේ වැලන්ටයින් යනු ආගමික මුහුණුවරක් ගත්තක් නොවේ .

වැලන්ටයින් ඉතිහාසය පිළිබඳව මෙසේ දැක්විය හැකිය. ක්‍රිස්තු වර්ෂ තුන්වන සියවසේ රෝමයේ සිටි දෙවන ක්ලෝඩියස් අධිරාජ්‍යයාට තම අධිරාජ්‍යයේ බලය විශාල ප්‍රදේශයකට නතු කර ගැනීමට අවශ්‍ය විය. ඔහු විසින් රටේ සිටින සෑම පිරිමි පුද්ගලයෙකු ම හමුදාවට බැඳීමට නියෝග කළහ.විවාහක පිරිමි පුද්ගලයන්ට වඩා පවුල් බර නොමැති තනිකඩයා මේ සඳහා බඳවා ගැනීමෙන් යුද්ධය සාර්ථකත්වය වර්ධනය කළ හැකි බව මෙම අධිරාජයාගේ සිතුවිල්ල වි ය . එහෙයින් ඔහු විසින් කසාද බැඳීම තහනම් කළහ. මෙම තීරණය හේතුවෙන් පෙම්වතුන් පෙම්වතියන් විඳින දුක දැක වැලන්ටයින් පියතුමා විසින් ඔවුන්ව හොරරහසේ විවාහ කර දුන්හ. මෙය කීප දවසක් ගිය පසු රජුට ආරංචි වන්නට විය.මේ හේතුවෙන් ක්ලෝඩියස් අධිරාජ්‍යයා වැලන්ටයින් පියතුමා සිරගත කර පෙබරවාරි 14 වැනි දින හිස ගසා මරා දැමීම සිදු කරන ලදී . ඊට පෙර කතෝලික සභාව විසින් වැලන්ටයින් පියතුමාගේ සේවය අගය කිරීමක් වශයෙන් එතුමා ශුද්ධවරයට ඔසවන ලදී.ඒ හෙයින් ක්‍රිස්තු වර්ෂ 496 දී ග්ලාසියස් පියතුමා විසින් වැලන්ටයින් පියතුමන් "ආදරවන්තයන්ගේ ශාස්තෘවරයා" වශයෙන් නම් කරන ලදී.

වැලන්ටයින් දිනය හා සබැඳි විශ්වාසයන් හා චාරිත්‍රයන් රැසකි.

අතීත රෝම මිථ්‍යාදෘෂ්ටික ජනයා ජුනෝ නමැති රෝම දෙවඟනට පැවැත්වූ පුද පූජා උත්සවය අනාගත සහකරු සහකාරිය සොයා ගැනීමේ හා තම ප්‍රේමය ඔවුන් වෙත ප්‍රකාශ කිරීමේ දිනයක් විය . මේ පළමු දේව පනතට විරුද්ධ හෙයින් කතෝලික සභාව විසින් එයට සහභාගී වීම තහනම් කරන ලදී. ඒ හෙයින් එම උත්සවය වෙනුවට ශාන්ත වැලන්ටයින් දිනය හඳුන්වා දුන්හහ.
අතීතයේ එන්ගලන්තයේ වේල්ස් කිතුනු ජනයා ලීයෙන් සකස් කල හෘදයක හැඩතල කැපූ සංකේත තම සිත් ගත් අය සමඟ හුවමාරු කර ඇත. "ඔබ මගෙ හදවතේ දොරගුළු විවර කරන්න" යනුවෙන් ඔවුන් එය හඳුන්වයි.
මධ්‍යතන යුගයේ ඇඳුම්වල හදවතේ රූපයක් සිතුවම් කර සතියක් පුරා ඇඳ පැලඳ සිටීම මගින් තමන්ගේ වැලන්ටයින් වන්නේ කවුරුන්ද යන්න විමසිල්ලෙන් සිටි.
යුරෝපයේ ඇතැම් රට වල තරුණයන් තම සිත්ගත් තරුණියට වැලන්ටයින් දිනයේ තෑගි වශයෙන් ඇඳුමක් දී ඇත. එය ඊළඟ වසරේ පෙබරවාරි 4 තෙක් ආරක්ෂාකාරීව තබාගන්නා තරුණිය තමන් හා විවාහ වීමට තෝරා ගනී .
වැලන්ටයින් දින කිසියම් තරුණියකගේ හිස උඩින් "රොබින් කුරුල්ලෙක්" පියාඹා ගියේ නම් ඇයට නාවිකයෙකු සමග විවාහ වීමට සිදුවන බවත්, "ගේ කුරුල්ලෙකු" පියාඹා ගියේ නම් දිළිඳු මිනිසෙකු සමඟ විවාහ වී සතුටින් දිවි ගෙවිය හැකි බවත් "හෝල්ඩ් ෆින්ච්" කුරුල්ලෙකු නම් ධනවතෙකු සමග විවාහ වන බවත් විශ්වාස කරයි.
වැලන්ටයින් දින දී කහ පැහැති මල් පිපෙන dandelion නැමැති ගසක් වෙත ගොස් එහි පැලී ඇති කරලකට දීර්ග හුස්මක් ගෙන පිඹීම සිදු කරයි. එහිදී ඇට සුළඟේ පාවී ගොස් කරල තුළ ඉතිරි වන ඇට සංඛ්‍යාව විවාහයෙන් තමන්ට හිමිවන දරුවන් සංඛ්‍යාව පෙන්වන බව විශ්වාස කරයි.
ඇපල් ගෙඩියක් දෙකට කපා ඒ තුළ ඇති ඇට සංඛ්‍යාව නිවැරදිව ගණන් කළ හැකි නම් විවාහයෙන් හිමිවන දරුවන් සංඛ්‍යාව ද පෙන්නන බව විශ්වාස කරනු ලබයි.

වැලන්ටයින් දින ආදරවන්තයන් හා විවාහකයන් අතර රෝස මල් හුවමාරුව ඉතා ප්‍රචලිත වූවකි. එයට බලපෑවේ වැලන්ටයින් පූජකතුමා රෝම සිරමැදිරියේ සිටින කාලයේ එතුමාගේ මරණයේ තීන්දුව ගැන ඇසූ බැතිමතුන් එතුමාගේ සිරමැදිරිය තුළට රතු රෝස මල් එවූහ.

එසේම වැලන්ටයින් දින පෙම්වතුන් හා පෙම්වතියන් අතර පෙම් හසුන හුවමාරුවද සිදු වේ.මෙය වැලන්ටයින් පියතුමා මරණයට පත්වීමට පෙර දින තම හිතවත් සැදැහැව තියක්වූ සිර මැදිරියේ මුලාදෑනියාගේ දියණියට යැවූ සුභාශිංසන හසුන නිසාය.

එසේම පෙම්වතුන් අතර සුභ පැතුම් හුවමාරුව ඇරඹී ඇත්තේ ක්‍රිස්තු වර්ෂ 1800 දී ඇමරිකා එක්සත් ජනපදයේ එස්තර් හොව්ලන්ඩ් නැමැති තරුණිය තම පෙම්වතාට යැවූ සුභ පැතීමක් මුල්කරගෙනය.

ආදරය එක් දවසකට පමනක් සීමා වන්නේ නැත.කෙසේ නමුත් මෙම සංස්කෘතිය ලංකාවට ගැලපෙන්නේද යන්න ගැටලුවකි.ආදරයේ සැබෑ යතාර්ථය මෙය නොවේ.ආදරය යනු ජීවිත දෙකක් මිස අජීවී දෙයක් නොවන බව තේරුම් ගැනීම වැදගත් වේ.තමාගේ ආදරේ පෙන්වීමට අනුන්ගේ දවසක් එන තුරු බලා සිටිය යුතු නැත.දවස් 365 දීම ආදරය ජීවී විය යුතුය. හැමදාම ආදරේ කළ යුතුය .ඕනෑම පෙම්වතුන් යුවළකට පෞද්ගලිකව වැදගත් වන දිනයක් තිබේ. සංවත්සර දිනය හොඳ උදාහරණයක් ලෙස දැ විය හැක . එවැනි දිනයක් සතුටින් සැමරීම වැලන්ටයින් වැනි අහසින් වැටුනු දිනයක් සැමරීමට වඩා අගනේය.

අද වන විට පෙම්වතුන්ගේ දිනය හොඳම බිස්නස් දවස්වලින් එකක් බවට පත්වී ඇත.පෙබරවාරි 14 කියන්නේ රටට ලෝකයට පෙන්වනට තමන්ගේ කෙල්ලගේ කෙල්ලගේ අත් අල්ලගෙන වැලන්ටයින් පාර්ටි වලට ගිහින් සින්දු කියලා කකා බිබී නටන දවසක් නොවේ.ආදරවන්තයින් වෙනුවෙන් සටන් කර ජීවිතය පූජා කරපු වැලන්ටයින් සාමි තුමාට අනුස්මරණය කරන්න ඕනි දවසක්. වැලන්ටයින් සැමරීමේ නියම යථාර්ථය වන්නේ එයයි.